मुम्बई— बलिउड अभिनेता रणवीर सिंहले हालैमात्र एक पत्रिकाका लागि न्यूड फोटोसुट गरेपछि उनी चर्चासँगै विवादमा तानिए । उनको तस्वीरमा अभिनेत्रीदेखि राजनेत्रीसम्मले प्रतिक्रिया दिए । यो सुटका लागि रणवीरले निकै तारिफ पनि पाए ।
तर बलिउडमा वर्षौ पहिले एक अभिनेत्रीले यस्तै टपलेस फोटोसुट गर्दा उनी निकै विवादमा तानिएकी थिइन् । सन् ९० को दशककी सुन्दरी अभिनेत्री ममता कुलकर्णीले टपलेस फोटोसुट गर्दा हंगामा नै मच्चिएको थियो ।
ममताले फिल्म ‘तिरंगा’बाट बलिउडमा पाइला चालिन् । उनले कम समयमै बलिउडका लोकप्रियता कमाईन् । सन् १९९३ मा सैफ अली खानसँग फिल्म ‘आशिक आवारा’मा अभिनय गरिन् । यो फिल्ममा उनको कामको राम्रो तारिफ भएको थियो । तर ममता आफ्नो फिल्मभन्दा पनि बढी विवादका कारण चर्चामा थिइन् । यस्तो विवाद उनको टपलेस फोटोसुटमा पनि देखिएको थियो ।
सन् १९९३ मा स्टारडस्ट पत्रिकाले फोटोसुटका लागि एक सुन्दर अभिनेत्रीको खोजी गरिरहेको थियो । पत्रिकाले धेरै ठूला अभिनेत्रीहरुलाई अफर गरेको थियो, तर कसैले पनि पत्रिकाको प्रस्तावलाई मानेका थिएनन् । त्यसपछि प्रख्यात फोटोग्राफर जयेश सेठले ममतालाई प्रस्ताव गरे ।
फोटोसुटका लागि उनी राजी भईन् । जसै पत्रिका बजारमा आयो, त्यसले तहल्का पिट्यो । यो पत्रिकाको मूल्य २० रुपैंयाँ भए पनि ब्ल्याकमा सय रुपैंयाँसम्ममा बिक्यो । ममतालाई यो फोटोसुटले लोकप्रिय बनाए पनि फोटोसुटविरुद्ध मानिसको रिस उस्तै थियो ।
टपलेस फोटोसुटका कारण उनले मुद्धा पनि खेप्नुपर्यो । उनले जरिमाना नै तिरिन् । उनलाई ज्यानको धम्कीसमेत आयो ।
—दैनिक जागरण
प्रकाशित मिति: बिहीबार, मंसिर ८, २०७९ २०:३०
प्रतिक्रिया दिनुहोस्
