काठमाडौं– फिल्म ‘द सिक्रेट्स अफ राधा’को ट्रेलर सार्वजनिक भएको छ । ट्रेलरमा अभिनेत्री सृष्टि श्रेष्ठले अभिनेता सौगात मल्लको खोजी गरेको विषयलाई प्रस्तुत गरिएको छ । ट्रेलरमा गर्भवती बनेकी सृष्टिले गाडी चालक श्रीमान सौगातलाई खोजी गर्दै हिँडेको देखाइएको छ । फिल्ममा सौगात र सृष्टिसँगै दयाहाङ राई, मेनुका प्रधान, निश्चल बस्नेत, खगेन्द्र लामिछाने, बुद्धि तामाङ, दिव्य देव पन्त, पुस्कर गुरुङ, पशुपति राई, लोकेन्द्र लेखक, राजन खतिवडालगायतका कलाकारहरुको पनि अभिनय छ । सुवर्ण थापा निर्देशित फिल्ममा सुवर्ण र सौगातको लगानी छ । आदियोगी भिजन, महारानी इन्टरटेन्मेन्ट युके, मन्डला अनलाइन र एएमआइ फिल्मस्को प्रस्तुति र मन प्रोडक्सनको एसोसिएनमा निर्माण र वीरञ्जना इन्टरटेनमेन्ट तथा विक्रमदास जोशी सह–निर्माता रहेको फिल्ममा सुवर्णको कथा, नरेन्द्र मैनालीको छायांकन, निमेश श्रेष्ठको सम्पादन र कालीप्रसाद बाँस्कोटाको संगीत छ । फिल्म भदौ १० गते रिलिज हुँदैछ । https://www.youtube.com/watch?v=jI9QBXl4p_U