मुम्बई—बलिउड अभिनेता विक्की कौशल र अभिनेत्री कटरीना कैफलाई एक व्यक्तिले ज्यानको धम्की दिएका छन् । आफूहरुमाथि ज्यानको धम्की आएपछि विक्कीले प्रहरीमा उक्त अज्ञात व्यक्तिविरुद्ध उजुरी दिएका छन् । विक्कीका अनुसार उक्त आदित्य राजपुत नामका व्यक्तिले विक्की पत्नी कटरिनाको सामाजिक सञ्जालमा निगरानी गरिरहेका छन् । विक्कीले धम्की र निगरानीको क्रम केही समययतादेखि चलिरहेको बताएका छन् । विक्कीले आफूले आदित्यलाई सम्झाउने प्रयास गरे पनि ऊ नमानेको जनाएका छन् । विक्कीको उजुरीपछि प्रहरीले अनुसन्धान सुरु गरेको छ । सान्ताक्रुज प्रहरीले साइबर क्राइम ब्राञ्चमार्फत सामाजिक सञ्जालको अनुसन्धान गर्दै आरोपीसम्म पुग्ने प्रयास गरिरहेको छ । —दैनिक भास्कर