काठमाडौं–गायक पुष्पन प्रधानको स्वरमा रहेको ‘मैले जानिन होला’ बोलको गीत सार्वजनिक गरिएको छ । आफ्नी प्रेमिकालाई माया गर्न आफूले नजानेपनि उसको खुशी कहिले नहराओस् भन्ने प्रेमीको चाहनामा रहेर यो गीत लेखिएको छ । सार्वजनिक गीतमा सञ्जित सानाको शब्द तथा संगीत रहेको छ भने जोनी योन्जन तामाङको एरेन्ज र मास्टरिङ रहेको छ । भिडियोमा अभिनेत्री पूजा शर्मा, कलाकार निराजन प्रधान र हिउँवाला गौतमको अभिनय छ । ब्लड क्यान्सरले थलिएकी एक यूवतीले आफ्नो प्रेमीको खुशीका लागि कसरी उसलाई वास्तविक घटना लुकाउँछे भन्ने कथामा निर्देशक हरि हुमागाँईले मर्मस्पर्शी कथा बुनेका छन् । उत्तम हुमागाईंको छायांकन रहेको भिडियोलाई प्रविण श्रेष्ठले सम्पादन गरेका हुन् । https://www.youtube.com/watch?v=IexSBWmF4T0