काठमाडौँ– नेपाल धितोपत्र बोर्डले सेयर बजारमा हुने चलखेल एवं अनुचित कृयाकलापलाई नियन्त्रण गर्न आर्टिफियल इण्टिलिजेन्स (एआई) प्रयोग गर्ने भएको छ । बिहीबार सेबोनले ल्याएको आर्थिक वर्ष २०७९/८० को धितोपत्र बजार तथा वस्तु विनिमय बजारसम्बन्धी नीति तथा कार्यक्रममा सो कुरा उल्लेख भएको हो । यस्तै, धितोपत्रको दोस्रो बजारमा गैर आवसीय नेपालीहरुको लगानी खुल्ला गर्ने धितोपत्र सम्बन्धी कानुनहरुमा आवश्यक संशोधन तथा परिमार्जन गर्ने उल्लेख गरेको छ । अब देखि बैदेशिक रोजगारीमा गएका नेपालीहरुलाई धितोपत्रको प्राथमिक निष्काशनमा दश प्रतिशत सेयर आरक्षित गर्ने नीति लिएको छ । त्यस्तै, सेबोनले लगानीकर्ताहरुलाई हुन सक्ने क्षतिबाट जोगाउन श्रतिपूीत कोष सञ्चालनमा ल्याउने भएको छ ।