काठमाडौँ । रुस–युक्रेन युद्ध छैठौं महिनामा प्रवेश गरेको छ । युद्ध अहिले युक्रेनको पश्चिमी भागमा मात्र सीमित भए पनि राजधानी कीभ अझै पूर्णतया सुरक्षित हुन सकेको छैन ।
यस युद्धमा अहिलेसम्म करिब ७५ हजार रुसी सैनिक मारिएको वा घाइते भएको अमेरिकाको दाबी छ । यसलाई पुटिनका लागि ठूलो झट्काको रूपमा वर्णन गरिएको छ र रुसको पक्षबाट युद्धमा लागेका करिब आधा सैनिक मारिएको विश्वास गरिन्छ ।
पश्चिमी अधिकारीहरूले रुसले युक्रेनी सीमामा करिब एक लाख ५० हजार सेना तैनाथ गरेको अनुमान गरेका छन् । टेलिग्राफको रिपोर्टका अनुसार अमेरिकाले दुवै पक्षबाट भएको हताहतीको यकिन सङ्ख्या मात्र अनुमान गरिएको जनाएको छ । युक्रेनी राष्ट्रपति भोलोडिमिर जेलेन्स्कीले ४० हजार रुसी सैनिक मारिएको र दशौं हजार घाइते भएको दाबी गरेका छन् । यसैबीच रुसले युद्धमा मारिएका सैनिकको नाम वा संख्या भने खुलाएको छैन ।
गत हप्ता, सीआईए निर्देशकले ६० हजार रूसी सैनिकहरू मारिएका वा घाइते भएको अनुमान गरेका छन् । जबकि कतिपयले यो संख्या ८० हजारको नजिक रहेको दाबि गरिरहेका छन् । नयाँ तथ्याङ्क रुसी अनुमानमा आधारित देखिन्छ, जसमा ५६ हजार ५ सय भन्दा बढी सैनिक, नेशनल गार्ड र निजी सैन्य कम्पनीका लडाकुहरू मारिएको बताइएको छ । यस लडाइमा पुटिनले हालसम्म एक दर्जन जनरललाई पनि गुमाइसकेका छन् । केही दिन अघि, बेलायतको गुप्तचर एजेन्सी एमआई ६ का प्रमुखले रूसी राष्ट्रपति भ्लादिमिर पुटिन युक्रेनसँगको युद्धमा नराम्ररी ‘असफल’ भएको दाबी गरेका थिए ।
रिचर्ड मूरले युद्धमा ठूलो संख्यामा सैनिक गुमाएपछि रुस आफ्नो सेनाको शक्ति बढाउन आतुर भएको बताए । जसका कारण सैनिकको उमेर हद ५० वर्ष पुर्याएको र युद्ध प्रमुखलाई मासिक ६ सय ४० पाउण्ड तलब र निस्शुल्क चिकित्सा तथा दाँतको उपचारको व्यवस्था गरिएको छ । रुसले आउँदो जाडोलाई ध्यानमा राखेर यस्तो तयारी गरिरहेको छ, जुन अर्को वर्ष पनि युद्ध जारी रहने सङ्केत हो ।
रुसी सेनाले युक्रेनको राजधानी कीभ नजिक फेरि एकपटक मिसाइल आक्रमण गरेको छ । पछिल्लो केही सातादेखि रुसबाट यस्तो आक्रामक मनोवृत्ति देखिएको छ । रुसी सेनाले उत्तरी चेर्निहाइभ क्षेत्रलाई निशाना बनाएको छ । एकातिर, रुसले मिसाइल आक्रमण गर्दा, युक्रेनी अधिकारीहरूले देशको दक्षिणी कब्जा गरिएको क्षेत्रको खेरसन क्षेत्रलाई पुनस् प्राप्त गर्न प्रतिशोधात्मक कारबाही गर्ने घोषणा गरेका छन्। खेरसन क्षेत्र रूसी सेना द्वारा कब्जा गरिएको थियो ।
