मुम्बई–केही दिन यता ‘तारक मेहताका उल्टा चश्मा’ अभिनेता शैलेश लोढाले यो शो छोड्ने निर्णय लिएको खबर सार्वजनिक भएको थियो । यही बीचमा जूनमा शैलेशको नयाँ शो ‘वाह भाई वाह’को प्रोमो पनि सार्वजनिक भएको थियो । तर शैलेश या निर्माता कसैले पनि उनले शो छोड्ने विषयमा कुनै प्रतिक्रिया दिएका थिएनन् ।
तर अब भने शैलेशको विषयमा नयाँ खबर बाहिर आएको छ । शैलेश अब तारक मेहताको भूमिका निभाउने छैनन् । यद्यपि एपिसोडको अन्त्यमा आउने आफ्नो मोनोलगका लागि उनी अहिले सुटिङ गरिरहेका छन् ।
शैलेशले शो छोड्ने कारण निर्माता असित मोदीसँगको एक सम्झौता हो । सम्झौता अनुसार यो शोका कलाकारहरु जबसम्म शोमा काम गरिरहन्छन्, उनीहरु त्यो बाहेक अन्य शोमा काम गर्न पाउँदैनन् । भलै उनीहरु महिनाको १७ दिन खाली नै किन नहुन् । सोहीकारण कैयौं कलाकारहरु यो सम्झौताप्रति खुशी थिएनन् ।
शैलेशले शोका लागि १५ दिनभन्दा बढी समय दिनु पर्दैन थियो, त्यहीकारण बाँकी समय आफ्नो कवितावाला शोलाई दिन चाहन्थे । तर निर्माता असितले शैलेको आग्रहलाई स्वीकार गरेनन् ।
–आजतक
प्रकाशित मिति: बिहीबार, मंसिर ८, २०७९ ०२:००
प्रतिक्रिया दिनुहोस्
