काठमाडौं– सञ्चारकर्मी गीता अधिकारीको शब्दमा तीज गीत ‘छम्म छम्म नाचौं न’ सार्वजनिक भएको छ । गीतमा शान्तिश्री परियार र सारिका घिमिरेको स्वर, योगेशकाजीको संगीत र एरेञ्ज, पवन विश्वकर्माको मिक्सिङ तथा मास्टरिङ छ । राजधानीमा शनिबार आयोजित कार्यक्रममा गायिका ज्ञानु राणा, संगीतकार राजु सिंह, विश्व कीर्तिमानी संगीतकार सन्तोष श्रेष्ठ, साहित्यकार शैलेन्द्र चापागाईंलगायतले गीत सार्वजनिक गरे । सात दिदीबहिनीको कथा बुनिएको गीतको भिडियोमा रोशन बुढाथोकीको कोरियोग्राफी रहेको छ । भिडियोमा रश्मी भट्ट, सारिका घिमिरे, रेनुका रिजाल, सुस्मिता लामा, संगीता श्रेष्ठ, आरती थापा मगर, सुस्मिता पौडेल, सपना रिमाल, माया थापालगायत कलाकार फिचर्ड छन् । भिडियोमा नरेश खरेलको श्रृंगार, राहुल राईको छायांकन र विष्णु शर्माको सम्पादन छ । भिडियो ओएसआर डिजिटलमार्फत् सार्वजनिक गरिएको हो । गीतकार गीता अधिकारीका यसअघि ‘यतै घमाइलो उतै घमाइलो’, ‘बजाउँदै चुरा’, ‘तीजैमा व्रत बसी’ जस्ता तीज गीत सार्वजनिक भएका छन् । https://www.youtube.com/watch?v=BLBDnhEAMoQ&feature=emb_logo