मुम्बई– अभिनेता किच्चा सुदीप कन्नड फिल्म उद्योगको लोकप्रिय कलाकारमा पर्छन् । उनी हरेक पटक अभिनयका माध्यमबाट फ्यानलाई मोहित बनाइरहन्छन् । उनको फिल्म ‘विक्रान्त रोणा’ हालै रिलिज भएको छ । फिल्मले बक्सअफिसमा राम्रो व्यापार गरिरहेको छ ।
हालैमात्र किच्चाले आफ्ना फ्यानका बारेमा एक किस्सा सुनाएका छन् । जुन किस्साले जोकोही चकित परेका छन् । सुदीपका अनुसार एक गाउँका हरेक घरमा उनको पूजा हुन्छ । यो कुरा सुन्दा आफू निकै डराएको उनले उल्लेख गरेका छन् ।
‘म परफेक्ट छैन । म गल्ती गर्छु, तर केही मानिस छन्, जसले मेरो नाममा मन्दिर बनाएका छन् । उनीहरुले मेरो मूर्तिलाई घरमा राखेका छन् र त्यसको पूजा गर्छन् । एक गाउँ छ, जहाँ हरेक घरमा मेरो तस्वीर छ र त्यहाँ बिहान मेरो पूजा हुन्छ । यसले मलाई डर लागेको छ । जो मानिसले मलाई त्यहाँ बोलाउँछन्, म डराउँछु । म यो पोजिसन कहिल्यै चाहँदिन थिएँ’, उनले भनेका छन् ।
उनले आफ्ना केही फ्यानले शरीरमा उनको नाम र तस्वीर बनाएको पनि खुलासा गरेका छन् । उनका अनुसार एक परिवारका पुरुष, उनकी श्रीमति र छोरी १५ दिनको पैदल यात्रा गर्दै गाउँबाट उनलाई भेट्न पुगेका छन् ।
–एबीपीलाइभ
प्रकाशित मिति: बुधबार, मंसिर ७, २०७९ २३:०१
प्रतिक्रिया दिनुहोस्
