काठमाडौं–आगामी असोज १४ गतेबाट प्रदर्शनमा आउन लागेको फिल्म ‘परदेशी २’को पहिलो गीत ‘के वर मागी फर्क्याैं भन’ सार्वजनिक भएको छ । नारायण रायमाझी निर्देशित फिल्मको गीतमा निशान भट्टराईको स्वर, रमेश पौडेलको शब्द र नारायण रायमाझीको संगीत छ । ३० वर्षपछि पुनः रेकर्ड गरिएको गीतमा अभिनेता प्रकाश सपुत र अभिनेत्री केकी अधिकारी फिचर्ड छन् । रोमान्टिक भावको गीतमा रामजी लामिछानेको कोरियोग्राफी छ । नारायण इन्टरनेशनलको प्रस्तुतीमा राजेश वंशल र नारायण रायमाझीले मिलेर निर्माण गरेको फिल्ममा केकी र प्रकाशका अलावा प्रशान्त तामाङ, नीर शाह, सुशील पोखरेल, सविन बास्तोला, रमा थपलिया, भीमा मैनाली, देवेन्द्र बब्लु, रोशनी कार्कीलगायतको पनि अभिनय रहेको छ । फिल्ममा रमेश बिजीको कथा, बि.बि. अनुरागीको संगीत, रामजी लामिछानेसँगै गोविन्द राईको कोरियोग्राफी, अष्ट महर्जनको द्वन्द्व, दीर्घ खड्काको सम्पादन र मानकृष्ण महर्जनले छायांकन छ । https://www.youtube.com/watch?v=UB07XpWM3KQ