काठमाडौ– प्रेमकथाको फिल्म ‘हिँड्दा हिँड्दै’ को फस्टलुक पोस्टर सार्वजनिक भएको छ । निर्माण टिमले आगामी माघ २० गतेलाई रिलिज मिति तोक्दै फस्टलुक सार्वजनिक गरेको हो । फिल्ममा मिलन आले मगरको निर्देशन छ ।
फस्टलुकमा फिल्मका प्रमुख कलाकार आकाश श्रेष्ठ र रेखा शाहलाई रोमान्टिक मुडमा प्रस्तुत गरिएको छ । रेखा यही फिल्मबाट रजतपटमा डेब्यु गर्दैछिन् । नारायण सुशील पंगेनी इन्टरटेन्मेन्टको ब्यानरमा विमल श्रेष्ठको प्रस्तुति रहेको फिल्ममा आकाश र रेखाका साथमा सलोन बस्नेत, सानीया खान, विमल श्रेष्ठ, विशाल श्रेष्ठ, विकास थापा मगर,ममता पौडेल र बालकलाकार अर्विन थिङ्गले अभिनय गरेका छन् ।
राजकुमार थिङ निर्माता रहेको फिल्मको सहनिर्मातामा केबी सुब्बा,प्रमोदकुमार तामाङ र महादेव साह छन् । लीलामान तण्डुकारले खिचेको फिल्मका गीतमा तारा प्रकाश लिम्बू र किरण माइकल घिमीरेको संगीत,कबिराज गहतराज र सुरेन्द्र बसेलको कोरियोग्राफी,देव महर्जनको द्धन्द्ध निर्देशन र नवीन निरौलाको सम्पादन छ ।
आरआर फिल्मस्ले बितरण गर्ने फिल्मको हाल पोष्ट प्रोडक्शन कार्य भइरहेको जानकारी निर्माण पक्षले दिएको छ ।
प्रकाशित मिति: बिहीबार, मंसिर ८, २०७९ ००:५८
प्रतिक्रिया दिनुहोस्
