काठमाडौं–पाँच वर्षअघि फिल्म ‘लिली बिली’को घोषणा कार्यक्रममा अभिनेता प्रदीप खड्का चार बडीगार्डसहित कार्यक्रमस्थल पुग्दा उनको त्यो शैलीलाई धेरैले आलोचना गरेका थिए । कतिपयले प्रदीपले आफ्नो रवाफ देखाएकोसम्म भने। तर यिनै प्रदीपलाई अहिले भारतीय बडीगार्डले पनि सुरक्षा दिइरहेका छन् । यो कुरा सुन्दा तपाईंलाई अचम्म लाग्ला । आगामी सेप्टेम्बर २३ देखि भारतका विभिन्न सहरमा प्रदर्शन हुने फिल्म ‘प्रेमगीत ३’को प्रमोसनका लागि प्रदीप यतिबेला भारतमा छन् । मंगलबार मुम्बईमा आयोजित पत्रकार सम्मेलनमा प्रदीप उपस्थित हुँदा उनलाई भारतका उच्च सेलिब्रेटीलाई सुरक्षा दिने बडीगार्ड पनि उनीसँगै थिए । उनलाई बलिउडको टप सेलिब्रेटी सेक्युरिटी लिडर मनीष सिडेजले सुरक्षा दिएका छन् । मनीषले बलिउड अभिनेत्री अनन्या पाण्डेसहित कैयौं सेलिब्रेटीलाई बडीगार्डका रुपमा सुरक्षा प्रदान गर्दै आएका छन् । पत्रकार सम्मेलनमा अभिनेत्री कृष्टिना गुरुङ, निर्माता तथा निर्देशक सन्तोष सेनको पनि उपस्थिति थियो । फिल्मलाई भारतमा जी म्युजिक, युएफओ र मधु इन्टरटेनमेन्टले प्रदर्शन गर्न लागेका हुन् । फिल्मको प्रचारप्रसारका लागि नयाँदिल्ली र मुम्बईका डिजिटल होर्डिङ बोर्डमा फिल्मका पोस्टर राखिएका छन् । फिल्म नेपालमा असोज ७ गते रिलिज हुँदैछ । [video width="640" height="352" mp4="https://www.canadanepal.com/uploads/articles/2022/08/video-1659525138.mp4"][/video]   [video width="368" height="640" mp4="https://www.canadanepal.com/uploads/articles/2022/08/video-1659526692.mp4"][/video]