काठमाडौं– शास्त्रीय धारमा आधारित भएको युगल गीत ‘ननिदाई ननिदाई’ सार्वजनिक भएको छ । गीतकार डा.मनीष वशिष्ठद्वारा रचित यस सेमी क्लासिकल गीतमा गायक तथा संगीतकार सजल न्यौपानेको संगीत अनि गायिका बानिका प्रधानको स्वर रहेको छ । ‘मान्छेलाई गीत सुन्ने संस्कार हराउदै गएको भान भएर सुन्ने गीत बनाउने मेरो प्रयास रहेको छ, त्यहि प्रयास स्वरूप यो गीत बजारमा ल्याएका छौ,’ गीतकार मनिष वशिष्ठ भने । संगीतकार सजलले हरेक विधाको गीत संगीत गाएर बनाए पनि आफुलाई यस्ता सेमी क्लासिकल गीत सिर्जना गर्न अझै आनन्द आउने बताए । यस युगल गीतमा गायिका बानिका प्रधान र गायक सजलको स्वरमा सफ्ट क्लासिकल म्युजिकको स्वाद पाइन्छ । गीतमा संगीत संयोजन गरेका सुमित बिश्वकर्माले वेस्टर्न पियानोसँग सितार अनि तबलाको राम्रो फ्युजन गराएका छन् । म्युजिक भिडियोमा गायक सजल, अभिनेत्री साक्षी लम्साल र बानिका प्रधानको भूमिका रहेको छ भने यसको छायांकन सलिल न्यौपाने अनि निर्देशन सजल न्यौपानेले गरेका छन् । https://www.youtube.com/watch?v=316caBO9flY