काठमाडौँ - प्रतिनिधिसभाको साउन ३१ गतेको बैठकमा नागरिकता विधेयक पुनःविचारका लागि राष्ट्रपति कार्यालयबाट फिर्ता आएको जानकारी दिइने भएको छ ।
प्रतिनिधिसभाका सचिव गोपालनाथ योगीले विधेयक फिर्ता आएको जानकारी दिने भएका छन् । संघीय संसद् सचिवालयले सार्वजनिक गरेको बैठकको सम्भावित कार्यसूचिको पहिलो नम्बरमा राष्ट्रपति कार्यालयबाट प्राप्त पत्रबारे जानकारी दिने उल्लेख छ ।
राष्ट्रपति विद्यादेवी भण्डारीले नागरिकता ऐन, २०६३ लाई संशोधन गर्न बनेको विधेयकमा पुनःविचारका लागि प्रतिनिधिसभामा पठाएकी छन् । प्रतिनिधिसभा र राष्ट्रियसभाले पारित गरेको विधेयकबारे व्यापक आलोचना भएपछि राष्ट्रपतिले फिर्ता पठाउने निर्णय गरेकी हुन् । सत्ता गठबन्धनका कतिपय दल, प्रमुख प्रतिपक्षी नेकपा (एमाले) र बुद्धिजीविहरुले समेत यो निर्णयको स्वागत गरेका छन् ।
प्रकाशित मिति: बिहीबार, मंसिर ८, २०७९ २३:०२
प्रतिक्रिया दिनुहोस्
