काबुल– अफगानिस्तानको राजधानी काबुलस्थित एक मस्जिदमा भएको शक्तिशाली विस्फोटमा परी धेरै मानिसको मृत्यु भएको आशंका गरिएको छ ।
बुधबार साँझको प्रार्थनाका क्रममा विस्फोट भएको हो । एक गैरसरकारी संस्थाका अनुसार विस्फोटमा कम्तीमा तीन जनाको मृत्यु भएको छ भने एक दर्जनभन्दा बढी घाइते भएका छन् ।
बीबीसी अनुसार केही अपुष्ट रिपोर्टहरूले उक्त विस्फोटमा २० जनाको मृत्यु भएको र ४० भन्दा बढी घाइते भएको दाबी गरेको छ। यद्यपी यो संख्याको आधिकारिक पुष्टि भने भइसकेको छैन ।
काबुलमा, तालिबान प्रहरी प्रवक्ता खालिद जाद्रानलाई उद्धृत गर्दै स्थानीय मिडियाले भनेका थिए कि विस्फोट सहरको उत्तर–पश्चिममा भएको थियो।
विष्फोटमा सिद्दीकी मस्जिदका इमामको पनि मृत्यु भएको केही रिपोर्टमा बताइएको छ ।
यद्यपी विष्फोटको पछाडि कसको हात रहेको भन्ने अहिलेसम्म खुलेको छैन । एक साताअघि काबुलमा तालिवान समर्थक मौलानाको आत्मघाती हमलामा मृत्यु भएको थियो । इस्लामिक स्टेटले यस हमलाको जिम्मेवारी लिएको छ ।
काबुलमा कार्यरत इटालियन एनजीओ ‘इमर्जेन्सी’ ले अहिलेसम्म तीन जनाको ज्यान गएको जनाएको छ ।
एनजीओले एक ट्वीटमा जानकारी गराएको छ कि उनीहरूले विस्फोटमा पाँच बालबालिका सहित २७ जना घाइते भएका छन्।
उही समयमा एक तालिबान गुप्तचर अधिकारीले समाचार एजेन्सी रोयटर्सलाई भने कि विस्फोटमा अहिलेसम्म कम्तिमा ३५ जना घाइते वा मारिएका छन्। यो संख्या बढ्ने अनुमान गरिएको छ ।
प्रत्यक्षदर्शीका अनुसार विस्फोट यति शक्तिशाली थियो कि नजिकैका भवनका झ्यालका सिसा समेत फुटेका थिए ।
एक अधिकारीले नाम न छाप्ने सर्तमा काबुलको खैर खाना क्षेत्रमा रहेको मस्जिदमा विस्फोट भएको बताए । विष्फोट भएको स्थानमा गुप्तचर टोली पुगेर अनुसन्धान भइरहेको छ ।
प्रकाशित मिति: बिहीबार, मंसिर ८, २०७९ ०२:३६
प्रतिक्रिया दिनुहोस्
