काठमाडौं–आगामी असोज १४ गते नेपाल र भारतमा एकसाथ प्रदर्शनमा आउन लागेको फिल्म ‘प्रेमगीत ३’ को दोस्रो टिजर सार्वजनिक भएको छ । श्रीकृष्ण जन्माष्टमीको अवसर पारेर निर्माण टिमले नेपाली र हिन्दी भर्सनमा दोस्रो टिजर सार्वजनिक गरेको हो । हिन्दी टिजर जी म्यूजिक कम्पनी र नेपाली टिजर ओएसआर डिजिटलको यूट्युब च्यानलबाट सार्वजनिक भएको छ । टिजरमा प्रदीप एक्सन र रोमान्टिक अवतारमा प्रस्तुत छन् । छेतेन गुरुङ र सन्तोष सेनले निर्देशन रहेको फिल्ममा प्रदीपसँगै क्रिस्टिना गुरुङ, अनुभव रेग्मी, सम्वृद्धि शाही ठकुरी, सुनिल थापा, सन्तोष सेन, पुस्कर कार्की, प्रेम पुरी, माओत्से गुरुङ, लक्ष्मी वर्देवा, योगिशा खत्रीलगायतको पनि अभिनय छ । फिल्ममा राजेश श्रेष्ठको छायांकन छ । निर्माता तथा निर्देशक सेनका अनुसार, नेपाली र हिन्दी भर्सनको ट्रेलर आगामी सेप्टेम्बर १ अर्थात् भदौ १६ गते एकसाथ सार्वजनिक हुनेछ । https://www.youtube.com/watch?v=9UK06o4yy7U