काठमाडौं– पप गायक अनिल सिंहले आज शुक्रबार काठमाडौंस्थित ‘लन्डन पव’ मा कन्सर्ट गर्ने भएका छन् । उनले म्युजिकल क्लब टुरअन्तर्गत ब्याण्डसँग कन्सर्ट गर्न लागेका हुन् । उनको ब्याण्ड ‘ग्रुभी सोल’ मा भोकलिस्ट अनिल छन् भने किबोर्डमा सुनिल सिंह, लिड गीतारिस्टमा अनिश मानन्धर, बेस गीतारिस्टमा सन्दीप गुरुङ्ग, ड्रमरमा प्रज्वल निर्वाण रहेका छन् ।
उनले आइ लभ यु, प्रेम पत्र, डुब्न देऊ, इन्जिन गाडीमा, प्रेमिका, मैले जानी सकेलगायतका दर्जन बढी गीत सुपरहिट गीत गाउनेछन् । ‘योजना अनुसारनै काम अगाडी बढाईरहेको छु । क्लबहरुमा म्युजिकल टुर पश्चात विदेशमा पनि गर्ने तयारी हुँदैछ’ अनिलले भने ।
उनले आफ्नो सफल गीत इञ्जिन गाडीमा २ र आइ लभ यु २ गीत छिटै दर्शक समक्ष ल्याउँदै छन् । उनले आफ्नो हिट गीतहरुको नयाँ सिर्जनालाई ‘द ग्रेट हार्मोनिस्ट २’ एल्बममा संग्रहित गर्दैछन् ।
यसपटक उनले आफ्नै हिट एल्बम ‘द रियल हार्मोनिस्ट’ कै नाम सापटी लिँदै एल्बम नै तयार गर्न लागेका हुन् । ‘गीतसंगीतसँगै अन्य कामहरू पनि छन् । सबै योजना अनुसार नै अगाडि आउने छन्’ अनिलले भने । उनले गीतसंगीतको बदलिँदो ट्रेन्डलाई अध्ययन गर्न जरुरी रहेको सुनाए । उनी यसकै लागि केही समय कन्सर्टमा मात्र केन्द्रित भएको समेत बताए ।
प्रकाशित मिति: बिहीबार, मंसिर ८, २०७९ ११:३१
प्रतिक्रिया दिनुहोस्
