सोल - दक्षिण कोरियामा कोरोना भाइरसबाट थप एक लाख ३८ हजार आठ सय १२ जना सङ्क्रमित भएका छन् । दक्षिण कोरियामा पछिल्ला केही हप्ता दैनिक एक लाखभन्दा बढी नयाँ सङ्क्रमित थपिने गरेका छन् । योसँगै अहिलेसम्म कुल सङ्क्रमितको संख्या दुई करोड २० लाख ३७ पुगेको छ ।
स्वास्थ्य अधिकारीहरूका अनुसार गत हप्ता औसतमा दैनिक सङ्क्रमितको संख्या एक लाख २६ हजार नौ सय २६ रहेको थियो । बिहीबार सार्वजनिक गरिएको विवरणमा भने शुक्रबारभन्दा धेरै सङ्क्रमित भएको देखिएको थियो ।
अहिले सङ्क्रमित अवस्थामै रहेकामध्ये चार सय ९२ जनाको अवस्था गम्भीर रहेको स्वाथ्य अधिकारीले जनाएका छन् । यो संख्या अघिल्लो दिनको भन्दा २२ बढी हो । पछिल्लो एक दिनमा कोरोनाका कारण दक्षिण कोरियामा ८३ जनाको मृत्यु भएको छ । योसँगै अहिलेसम्म कोरोनाका कारण मृत्यु भएकाहरुको संख्या कोरियामा २५ हजार ८९६ पुगेको छ ।
प्रकाशित मिति: बिहीबार, मंसिर ८, २०७९ ०२:०८
प्रतिक्रिया दिनुहोस्
