काठमाडौं–अहिलेकी व्यस्त गायिका रचना रिमालले शनिबार सामाजिक सन्जालमा आफ्नो लगानीमा बनेको नयाँ घरको तस्वीर राख्दै घर बनाउने सपना पुरा भएको खुलाएकी छन् । उनले झापामा रहेको पुरानो घर भएको स्थानमा चारकोठे पक्की घर बनाएको उल्लेख गरेकी छन् । ‘सानैदेखि बाबाममीलाई एउटा घर बनाएर राख्ने सपना थियो, सांगीतिक क्षेत्रबाटै यो सपना पूरा गर्छु भन्ने कल्पना नै थिएन । तर, हजुरहरू सबैको माया र आशीर्वादले गर्दा आज मेरो एउटा सपना पूरा भएको छ’, उनले लेखेकी छन् । ‘बाबाममी यही घरमा बस्दै हुनुहुन्छ । माया, साथ, हौसला र आशीर्वाद दिनुहुने सबैमा नतमस्तक छु । सदैव यही क्षेत्रमा रही सत्कर्म गर्नेछु ’, रचनाले लेखेकी छन् । https://www.facebook.com/RachanaRimal11/posts/636388328055589