काठमाडौँ - नेपाली कांग्रेसका नेता तथा समाजवादी चिन्तक प्रदीप गिरीको स्वास्थ्य लाभको कामना गर्दै काठमाडौंमा दीप प्रज्जवलन गरिएको छ । त्रिचन्द्र कलेजमा नेपाल बिद्यार्थी संघ त्रिचन्द्र इकाईले नेता गिरीको स्वास्थ्य लाभको कामना गर्दै आज दीप प्रज्जवलन गरेको हो । बिगत २६ दिनदेखि नेपाल मेडीसिटी अस्पताल भैंसेपाटी, नख्खुमा उपचाररत गिरीको अवस्था गम्भिर बनेको छ । अस्पतालको बेड नम्बर ५५० मा तीन दिनदेखि रहेका गिरीको अहिले भेन्टिलेटरमा उपचार भइरहेको छ । उनको घाँटीमा क्यान्सर भएको छ । निमोनिया भएपछि गिरीको अवस्था थप गम्भिर भएको अस्पतालले जनाएको छ ।