नयाँ दिल्ली– पाकिस्तानका बायाँ हाते फास्ट बलर शाहिन शाह अफ्रिदी घुँडाको चोटका कारण शनिबारदेखि युएईमा सुरु हुने एसिया कपबाट बाहिरिएका छन् ।
पाकिस्तानमा क्रिकेट कन्ट्रोल बोर्ड (पीसीबी) का प्रमुख मेडिकल अफिसर नजिबुल्लाह सौमरोले एक विज्ञप्तिमा भने, ‘मैले शाहिनसँग कुरा गरेको छु र उनी यस घटनाबाट गहिरो दु:खी छन्। आशा छ कि उनी अक्टोबर सम्ममा खेलमा फर्कनेछन् ।
यो खबर बाहिर आएपछि पाकिस्तानका पूर्व कप्तान तथा प्रशिक्षक वकार युनिसले शाहिन अफ्रिदीको बहानामा भारतको खिल्ली उडाए ।
युनिसले सामाजिक सञ्जाल ट्वीटरमा लेखेका छन्, ‘शाहीनको चोट भारतका शीर्ष क्रमका ब्याट्सम्यानका लागि ठूलो राहत हो । उसलाई एसिया कपमा हेर्न नपाउनु दुखको कुरा हो ।
वकार युनिसले पनि शाहिन अफ्रिदीको शीघ्र स्वास्थ्यलाभको कामना गरेका छन् ।
२२ वर्षका शाहिन अफ्रिदीले अहिलेसम्म अन्तर्राष्ट्रिय क्रिकेटमा २०० विकेट लिएका छन् । ३२ एकदिवसीय, २५ टेस्ट र ४० टी–२० खेलमा उनले क्रमश: ६२, ९९ र ४७ विकेट लिएका छन् ।
गत वर्ष अक्टोबरमा युएईमा नै टी–२० विश्वकप खेलिएको थियो । भारतविरुद्धको खेलमा शाहिन अफ्रिदीले भारतका शीर्ष ३ ब्याट्सम्यान केएल राहुल, रोहित शर्मा र विराट कोहलीलाई ३१ रनमा आउट गरेका थिए।
भारत त्यो खेल १० विकेटले पराजित भयो र त्यो जितसँगै पाकिस्तानले भारतलाई पहिलो पटक ओडीआई वा टी२० विश्वकपमा हराएको थियो।
प्रकाशित मिति: शुक्रबार, मंसिर ९, २०७९ ००:५७
प्रतिक्रिया दिनुहोस्
