मुम्बई–कमेडियन राजु श्रीवास्तवको स्वास्थ्य अवस्थामा दिनानुदिन सुधार आइरहेको छ । राजूको परिवारदेखि उनका फ्यानसम्मले उनको स्वास्थ्य लाभको प्रार्थना गरिरहेका छन् । यही बीचमा एक अनौठो खबर बाहिर आएको छ । एक अपरिचित व्यक्तिले राजूलाई राखिएको आइसियू कोठामा पसेर उनीसँग सेल्फी लिन खोजेका छन् । ती व्यक्तिको यो कदम पछि राजुको सुरक्षाको विषयमा चिन्ता सुरु भएको छ । अस्पतालमा कार्यरत कर्मचारीहरुले ती व्यक्तिसँग सोधपुछ गरेपछि राजूलाई राखिएको आइसियू कक्षबाहिर सुरक्षाकर्मी तैनाथ गरिएको छ । अभिनेता शेखर सुमनका अनुसार राजुको अंगले काम गरिरहेको छ । नयाँदिल्लीमा राजुको ठूलो दाईको घरमा विशेष पुजा गरिएको छ । उनको राम्रो स्वास्थ्यका लागि पुजा गरिएको हो । उनको घरमा पाँच दिनसम्म पुजा चल्नेछ । राजु हृदयघात भएपछि गत अगष्ट १० देखि दिल्लीको एक अस्पतालमा उपचाररत छन् । जिममा वर्कआउट गरिरहँदा एक्कासी छाती दुखेपछि उनी भुईमा ढलेका थिए । –अमरउजाला