काठमाडौँ – नेत्रविक्रम चन्द विप्लव नेतृत्वको नेकपाले  राजधानी काठमाडौँमा मसाल जुलुस निकालेको छ । मंगलबार नेपाल बन्दको घोषणा गर्दै त्यसको पूर्व सन्ध्यामा विप्लव नेतृत्वको नेकपाले मसाल जुलुस निकालेको हो । तत्कालीन केपी शर्मा ओली नेतृत्वको सरकारले विप्लव नेतृत्वको नेकपासँग गरेको ३ बुँदे सहमति कार्यान्वयन नगरेर उल्टै आफ्ना नेता तथा कार्यकर्तालाई पक्राउ पूर्जी जारी गरेको, एमसीसी, महंगी र राष्ट्रघाती सन्धी सम्झौताविरुद्ध विप्लव नेतृत्वको नेकपासहितका चार दलले मसाल जुलुस निकालेको हो । जसमा नेकपासँगै श्रषि कट्टेल नेतृत्वको नेपाल कम्युनिष्ट पार्टी, आहुती नेतृत्वको वैज्ञानिक समाजवादी कम्युनिष्ट पार्टी र कर्णजित बुढाथोकी नेतृत्वको नेकपा माओवादी समाजवादी रहेका छन् ।