काठमाडौं– टेक पौरखी राई निर्देशित फिल्म ‘मिलन’को प्रदर्शन मिति तोकिएको छ । मंगलबार फिल्मको ‘फष्र्ट लुक्स’ सार्वजनिक गर्दै तिहार पछि कात्र्तिक १८ गते फिल्म प्रदर्शन गरिने जानकारी गराइयो । फिल्मको सार्वजनिक पोष्टरमा अभिनेता कुशल शाह ठकुरी र अभिनेत्री शिल्पा थापा फिचर छन् । अभिनेता कुशल र अभिनेत्री शिल्पाले यसै फिल्मबाट डेब्यु गर्दैछन् । फिल्मको निर्माण टिमले प्रदर्शन मिति तोकेसँगै प्रमोशनको काम सुरु गरेको हो । त्रिकोणात्मक प्रेम कथामा आधारीत यो फिल्मको कथा पनि निर्देशक राईले नै लेखेका हुन् । फिल्ममा अभिनेता सलोन बस्नेतको पनि मुख्य भूमिका रहेको छ । निर्माण टिमले यसपछि सलोन फिचर पोष्टर सार्वजनिक गर्ने तयारी गरेको छ । फिल्ममा शिशिर बांग्देल, सुमिन गुरुङ, जानुका पौडेल, रेजिना एक्चै मगर, डेनियल खड्का, करन थापा मगर लगायतका कलाकारको पनि अभिनय रहेको छ । तीनवटा गीत समावेश फिल्ममा कबिराज गहतराजको कोरियोग्राफि रहेको छ भने प्रताप दास, कौशल राज खड्का, कृष्ण केसी, प्रविशा अधिकारी, अस्मिता अधिकारी र बबिना किँरातीको स्वर रहेको छ । यस्तै संगीतकारको रुपमा राजु सेन्चुरी रहेका छन् । फिल्ममा द्धन्द्ध निर्देशन कुमार महर्जनको रहेको छ । फिल्ममा ब्याकग्राउण्डस्कोर शैलेश श्रेष्ठको रहेको छ भने एरेन्जरको जिम्मा पुरुषोत्तम सुवेदी र कृष्ण केसीलाई रहेको छ । फिल्मको पोष्टर डिजाइन टौवा क्रिएसनले गरेको छ भने मेकअप आर्टिष्टमा डिके हमाल र गीताञ्जली योगी छन् । काठमाडौं र कालिन्चोकमा छायांकन गरिएको यो फिल्मको निर्माता प्रविन थापा हुन् । राहुल राईको छायांकन रहेको फिल्ममा तारा किम्बे थापाको सम्पादन रहेको छ । फिल्ममा भिएफएक्स टंक बहादुर राईको रहेको छ ।