लाहोर– पाकिस्तानका लोकप्रिय गायक वहाब अली बुगती हालका दिनमा समस्या परेका छन् । पाकिस्तानमा केही समययता बाढीको प्रकोप बढेको छ । जसकारण यी गायक अहिले घरबारविहिन बनेका छन् ।
सामाजिक सञ्जालमा एक प्रयोगकर्ताले वहाबको फोटो राखेका छन् । फोटोमा उनी परिवारका साथ खराब अवस्थामा देखिएका छन् । फोटो सार्वजनिक भएपछि गायकका फ्यानले सामाजिक सञ्जालमा गायकलाई सहयोग गर्न अपिल गरेका छन् । वहाबले कोक स्टुडियोमा ‘काना यारी’ गीत गाएर लोकप्रियता कमाएका थिए ।
फोटोमा वहाब आफ्नो सन्तानसँग बाहिर खुल्ला स्थानमा बसेको देख्न सकिन्छ । फोटो हेर्दा घर नभएपछि उनको परिवार सडकमा आएको अनुमान गरिएको छ । यी गायकको जीवन राम्रै चलिरहँदा अचानक आएको बाढीले उनका राम्रो जीवन खराब बनाइदिएको छ ।
वहाब नसीराबाद, बलोचिस्तान, पाकिस्तानका हुन् । उनी एक बलौची पाकिस्तानी गायक हुन् । उनको विवाह भइसकेको छ र एक छोरा पनि छ । जसको नाम समीर खान हो ।
वहाबले सन् २०२२ मा रिलिज पाकिस्तानी टेलिभिजन सिरिज कोक स्टूडियोबाट पहिचान पाए । जहाँ उनले प्रख्यात गीत ‘काना यारी’ गाएका थिए ।
–दैनिक भास्कर
प्रकाशित मिति: बिहीबार, मंसिर ८, २०७९ ०३:२१
प्रतिक्रिया दिनुहोस्
