काठमाडौं–राष्ट्रिय प्रजातन्त्र पार्टी (राप्रपा)को आयोजनामा बेरोजगार, मूल्यवृद्धि पेट्रोलियम पदार्थमा भएको समायोजन र भ्रष्टाचारविरूद्ध विरोध प्रदर्शन गरेको छ । कार्यक्रममा राष्ट्रिय प्रजातन्त्र पार्टीका उपाध्यक्ष बुद्विमान तामाङ, महामन्त्री भुवन पाठक, विक्रम थापा, काठमाडौं जिल्ला अध्यक्ष नवराज सिम्खडा लगायतको उपस्थिति रहेको थियो । विरोध प्रदर्शनमा सहभागीले राष्ट्रिय प्रजातन्त्र पार्टी जिन्दावाद, हाम्रो राजा हाम्रो देश प्राण भन्दा प्यारो छ, नागरिकता विधेयक खारेज गर, मूल्यवृद्धि खारेज गर, नालायक सरकार मुर्दावाद, भ्रष्टाचारलाई नियन्त्रण गरजस्ता नारा सहितको विरोध प्रदर्शन गरेका थिए । प्रदर्शनकारीहरु माइतीघर मण्डला हुँदै नयाँबानेश्वर पुगेर १ घण्टा धर्नामा बसेका थिए ।