काठमाडौं–अभिनेता अनमोल केसी स्टारर फिल्म ‘छड्के २’ को फस्टलुक सार्वजनिक भएको छ । कुशे औशीको अवसर पारेर अभिनेता अनमोलले सामाजिक सञ्जाल फेसबुकमार्फत फस्टलुक सार्वजनिक गरेका हुन् ।
फस्टलुकमा अनमोल हातमा रगतसहितको हतियार बोकेर बसेका छन् । निकै रिसाहा लुक्समा देखिएका उनको अनुहार पनि रगत छ । लामो कपालमा रहेका अनमोलको शरीरका विभिन्न स्थानमा ट्याटु पनि देख्न सकिन्छ ।
निगम श्रेष्ठको लेखन तथा निर्देशनमा बन्ने फिल्म अनमोलसँगै रविन तामाङ र कमलमणि नेपालको पनि अभिनय छ । काभ्रे फिल्म्सको व्यानरमा निर्माण भइरहेको फिल्मसँग मेधा फिल्म्स र निर्वाण फिल्म स्कुलले सहकार्य गरेका छन् । फिल्मको निर्मातामा प्रशान्त गिरी र लक्ष्मण काफ्ले रहेका छन् । फिल्मको हाल चितवन र मुस्ताङमा छायांकन भइरहेको छ ।
प्रकाशित मिति: बुधबार, मंसिर ७, २०७९ १७:४४
प्रतिक्रिया दिनुहोस्
