काठमाडौँ– नेपाली क्रिकेट टिमका कप्तान सन्दीप लामिछाने आइतबार भएको ड्राफ्टमा अनसोल्ड भएका हुन् ।
चार चरणमा भएको ड्राफ्ट मार्फत २४ विदेशी खेलाडी विभिन्न टिममा आबद्ध हुँदा सन्दीप भने नबिकेका हुन् ।
बीबीएलको ड्राफ्टमा नेपालका कप्तान सन्दीपसँगै राष्ट्रिय क्रिकेट टोलीका पूर्व सदस्य सुवास खकुरेल रहेका थिए । पहिलो पटक ड्राफ्टमा परेका सुवास समेत अनसोल्ड भए ।
कप्तान सन्दीपले पछिल्ला चार संस्करणको बीबीएल खेलेका थिए । उनले ४३ बीबीएल खेलमा ४८ विकेट लिएका छन् ।
दुई संस्करण मेलबर्न स्टारमा बिताएका सन्दीप दुई संस्करण होबार्ट हरिकेन्समा आबद्ध रहेका थिए । उनले पछिल्लो संस्करण होबार्टमा बिताएका थिए । बीबीएलको आगामी सिजन डिसेम्बरबाट फेब्रुअरीसम्म आयोजना हुनेछ ।
बीबीएलको इतिहासमा नै खेलाडी ड्राफ्ट पहिलो पटक भएको हो ।
प्रकाशित मिति: शुक्रबार, मंसिर ९, २०७९ ००:०३
प्रतिक्रिया दिनुहोस्
