काठमाडाैँ– एसियन फुटबल कन्फेडेरेसन (एएफसी)ले एसिया कप छनोटका क्रममा आचार–संंहिता उल्लंघन गरेको भन्दै नेपाललाई जरिवाना तिराउने भएको छ ।
एएफसीले दुई फरक नियम उल्लंघनको आरोपमा नेपाललाई ७ हजार डलर जरिवाना तिराउने निर्णय गरेको हो ।
एएफसीको गत साता बसेको अनुशासन र आचार(संहिता कमिटीको बैठकले यस्तो निर्णय गरेको आज विज्ञप्तिमार्फत् सार्वजनिक भएको हो ।
मुख्य प्रशिक्षक अब्दुल्लाह अल्मुताइरी नयाँ कार्यसमितिसँग काम गर्न इच्छुक
एसिया कप छनोटको तेस्रो चरणमा इण्डोनेसियासँगको खेलअघि मुख्य प्रशिक्षक अब्दुल्लाह अलमुताईरी ड्रेसिङ रुपमा प्रवेश गरेको बताईएको छ ।
इण्डोनेसियासँगको खेलअघि कुवेत र जोर्डनविरुद्धको खेलमा पहेँलो कार्ड पाएको अलमुताईरी त्यो खेलका लागि निलम्बित थिए ।
अलमुताइरीले प्रतियोगिता नियमावलीको धारा २१ दशमलव १ उल्लंघन गरेकोमा अखिल नेपाल फुटबल संघ (एन्फा)ले ६ हजार डलर जरिवाना तिर्नुपर्ने छ ।
त्यस्तै, सोही खेलको पहिलो हाफ सुरु गर्न ढिलाइ गरेको भन्दै थप १ हजार डलर जरिवाना तोकिएको हो ।
प्रकाशित मिति: बिहीबार, मंसिर ८, २०७९ ०१:४९
प्रतिक्रिया दिनुहोस्
