काठमाडौँ– ब्रिटिश गोर्खा आर्मी एक्स–सर्भिसम्यान अर्गनाइजेशन (बिगेसो) सिंगापुर गोर्खाज् विभागले सिंगापुरमा भर्ति भएका गोर्खा आर्मीको तलब र सेवा सुविधामा भएको विभेदलाई लिएर आज माइतीघरमा बिरोध प्रदर्शन गरेको छ। प्रदर्शनमा सिंगापुरमा जन्मिएका गोर्खाका छोराछोरीहरुलाई जन्म सिद्ध अधिकार, सिंगापुर गोर्खा विधुवाहरुलाई पेन्सन र अन्य सुविधा, र नेपाल सरकार आफ्नो नागरिकहरु (सिंगापुर गोर्खाहरु) को विषयमा मौन रहेको विषय र अन्तर्राष्ट्रिय मानव अधिकारको कदर, मानव बेचबिखन बन्द गर्नुपर्ने माग राखेका थिए । यस्तै, सिंगापुरमा कार्यरत गोर्खाहरुको परिवारले पनि आफ्नो योग्यता अनुसार त्यही काम गर्न दिइयोस् र १९४७ को असमान र विभेदकारी त्रिपक्षिय सन्धि खारेज गर पनि उनीहरुले माग गरेका थिए। कार्यक्रममा बिगेसो को अध्यक्ष पदम सुन्दर लिम्बुको र सदस्य ज्ञान बहादुर गुरुङको उपस्थिति रहेको थियो।