काठमाडौं– नेपालीहरुको महान चाड बडा दशैंको अवसर पारेर आगामी असोज १५ गते राजधानीको त्रिपुरेश्वरस्थित दशरथ रंगशालामा दशैं फेस्ट हुने भएको छ । पार्टी नेपाल, आर्बिटरी ग्रुप, केटीएम लाइभ र अपट्रेण्डली मिडियाको संयुक्त आयोजनामा फेस्ट हुन लागेको हो । आयोजकले सोमबार राजधानीमा पत्रकार सम्मेलन गर्दै फेस्टका बारेमा जानकारी दिएको । फेस्टमा दी एज व्याण्ड, नितेश जंग कुँवर, वर्तिका एम राई, लाउरे, स्वप्न सुमन, भेक, यावेश, त्रिशला गुरुङ, शुवानी मोक्तान, दी इलेमेन्टस व्याण्डलगायतका कलाकारको प्रस्तुति हुनेछ । फेस्टमा २० हजार बढी दर्शकको उपस्थिति हुने आयोजकको दाबी छ । फेस्टमा हुने टिकटक कन्टेस्टमा १० जनाले पोखरा रिसोर्ट प्याकेज, विभिन्न रेष्टुरेन्टमा डिनर प्याकेज, भीआईपी एक्सेसलगायतका पुरस्कार पाउनेछन् ।