प्यालेस्टिनी– अमेरिकी पत्रकार शिरिन अबु अक्लाको मृत्यु भएको झण्डै चार महिनापछि इजरायलले आफ्नो प्रतिवेदनमा आफ्ना एक सैनिकले अलजजिराका पत्रकारलाई गल्तिले मारेको स्वीकार गरेको छ।
अक्लालाई मे महिनामा वेस्ट बैंकमा एक छापा मार्न गएको बेला गोली हानिएको थियो।
यद्यपि, सेनाका शीर्ष कानुनी अधिकारीहरूले पनि आक्रमणमा संलग्न सैनिकहरू विरुद्ध फौजदारी अनुसन्धान सुरु गर्न अस्वीकार गरेका छन्।
अबु अक्लाको परिवारले इजरायली सेनाले सत्य लुकाउन र हत्याको जिम्मेवारी लिनबाट जोगिने प्रयास गरेकोले आफूहरू आश्चर्यमा परेको बताए।
अबु अक्ला मे ११ मा वेस्ट बैंकको जिनिनमा इजरायलको आक्रमण कभर गर्न गएका थिए। सो क्रममा इजरायली सैनिक र प्यालेस्टिनी अतिवादीबीच गोली हानाहान सुरु भएको थियो । आक्रमणको समयमा अबु अक्लाले ज्याकेट लगाएका थिइन, जसमा ठूला अक्षरमा प्रेस लेखिएको थियो।
अबु अक्लाको मृत्युको कारणलाई लिएर विभिन्न पक्ष बाहिर आएका छन् ।
प्रत्यक्षदर्शी र प्यालेस्टिनी अधिकारीहरूले अक्लेहलाई इजरायली सैनिकहरूले गोली हानेको बताए। पछि संयुक्त राष्ट्र संघ र विभिन्न प्रेस अनुसन्धान एजेन्सीहरूले पनि यो दाबीलाई समर्थन गरे। अमेरिकी समीक्षामा इजरायली सेनाले अकालामा गोली चलाएको हुनसक्ने पत्ता लागेको छ।
अब इजरायलको सुरक्षा बल (आईडीएफ) ले उनीहरूले चलिरहेको आन्तरिक अनुसन्धान पूरा गरेको बताएको छ।
प्रकाशित मिति: बुधबार, मंसिर ७, २०७९ २२:२९
प्रतिक्रिया दिनुहोस्
