काठमाडौं । गायक प्रमोद खरेलको स्वर तथा साहित्यकार, लेखक तथा कवि ममता मिश्रको शब्द सृजना रहेको ‘तप तप आँशु’ बोलको गीतको भिडियो रिलिज गरिएको छ । विगत ३ दशकदेखि अष्ट्रेलियामा रहँदै आएकी गीतकार मिश्रले ‘तप तप आँशु’लाई हरेक प्रेमील जोडीले मन पराउने विश्वास व्यक्त गरिन् । नविन कार्कीको संगीत रहेको गीतमा आफूलाई भन्दा बढी माया दिएकी प्रेमीकाले विशेष परिस्थितिका कारण धोका दिएर टाढिँदाको पललाई पछिल्लो पुस्ताका चर्चित निर्देशक केशव भट्टले कलात्मक शैलीले प्रस्तुत गरेका छन् । गीतकार मिश्रकै आफ्नै अफिसियल च्यानल ममता मिश्र अफिसियलबाट बजारमा ल्याएको गीतको गीतमा मोडलद्वय कमल सिंह र ललना चिमोरियाको लोभलाग्दो अभिनय देख्न सकिन्छ । गीतकार मिश्रका तिमीले चुमेको, म सागर थिए, लगायतका गीतहरु यसअघि नै बजारमा आइसकेका छन् । उत्सव दाहालको छायांकन रहेको भिडियोमा दिनसन शाहको सम्पादन र कलर रहेको छ । https://www.youtube.com/watch?v=yDCzlkBnSvo&feature=emb_logo