काठमाडौँ– युवा गायक एवम् संगीतकार जोसेफ शाही ठकुरीको देउडा शैलीको नयाँ गीत ‘दरबारे माया’ सार्वजनिक भएको छ ।
उनको आधिकारीक युट्युव च्यानलमा शनिबार गीतको भिडियो सार्वजनिक गरिएको हो ।
गीतको शब्द, संगीत जोसेफ आफैले सिर्जना गरेका हुन् । पुरुषोत्तम सुवेदीको संगीत संयोजन र किशोर थापाको ध्वनी सम्पादन रहेको गीत ए–वन म्युजिसीयन स्टुडियोमा रेकर्ड गरिएको हो ।
भिडयोमा चर्चित मोडल बिना राउत, सुरज मल्ल, भद्र कुँवर, सङ्गकला गौतम र सचिन गौतम लगायतको अभिनय हेर्न सकिन्छ । बसन्त कुँवरको छायाँकन र टेकेन्द्र शाहको दृश्य सम्पादन रहेको ‘दरबारे माया’ गीतको भिडियो निर्देशन गौरव गिरीले गरेका हुन् ।
‘दरबारे माया’ आधुनिक शैलीको देउडा गीत हो । गाउँबाट ठूलो सपना बोकेर शहर छिरेको एकजना सोझो युवा धनाढ्य महिलासँग प्रेममा पर्छ । तर शहरीया प्रेमीकाबाट धोका पाएर सबैथोक गुमाएपछि ऊ गाउँ फर्किन्छ । गीतमा चोखो माया गर्ने आफूजस्तै इमान्दार केटीसँग घरजम गरेर गाउँमै बस्ने तयारी जुटेको युवाको कथा समेटिएको छ ।
प्रकाशित मिति: बिहीबार, मंसिर ८, २०७९ २०:५५
प्रतिक्रिया दिनुहोस्
