आजको मौसमः सुदुरपश्चिम र लुम्बिनी प्रदेशमा वर्षा

काठमाडौं–मौसम पूर्वनुमान महाशाखाले मंगलबार दिउँसो देशभर आंशिकदेखि सामान्य बदली रहने जनाएको छ । देशका पहाडी भू–भागका केही र बाँकी भू–भागका थोरै स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको हो। लुम्बिनी र सुदूरपश्चिम प्रदेशका एक-दुई स्थानमा भारी वर्षाको संभावना छ। राति देशभर आंशिकदेखि सामान्य बदली रहनेछ । महाशाखाले मंगलबार बिहान जारी गरेको बुलेटिनअनुसार गण्डकी र लुम्बिनी प्रदेशका केही र बाँकी प्रदेशका थोरै स्थानमा मेघ गर्जन र चट्याङसहित हल्कादेखि मध्यम वर्षाको सम्भावना छ। महाशाखाले आगामी दिनसम्मै वर्षा हुने जनाएको छ । हाल देशभर सामान्य बदली रही प्रदेश १, सुदूरपश्चिम, गण्डकी प्रदेशका एक(दुई स्थानमा मेघ गर्जनरचट्याङसहित हल्का वर्षा भइरहेको मौसम पूर्वानुमान महाशाखाले जनाएको छ।