काठमाडौं– चिनियाँ कम्युनिस्ट पार्टी (सीपीसी) स्थायी समितिको जनकंग्रेस अध्यक्ष ली चान्सुको सवारीका कारण आज पनि काठमाडौंका सडक अस्तव्यस्त बनेका छन् । ली बुधबार बिहान भक्तपुर दरबार स्क्वायरको अवलोकन भ्रमणमा गएपछि कालिमाटी, त्रिपुरेश्वर, कोटेश्वर देखी भक्तपुर जाने सवारी साधन प्रभावित भएका थिए । बिहान ९ बजेको आसपासको समयमा कालीमाटी, टेकु, भोटेबहाल, त्रिपुरेश्वर, थापाथली, माईतीघर, नयाँबानेश्वर, तिनकुने, जडिबुटी, कौशलटार, मध्यपुर ठिमी, सल्लाघारी क्षेत्रको सवारी साधन प्रभावित भएको ट्राफिक प्रहरीले जनाएको छ । उनले आजै दिँउसो साढे ३ बजे राष्ट्रपति विद्यादेवी भण्डारीसँग शिष्टाचार भेट गर्न जाँदैछन् ।