रुपन्देही– रुपन्देही प्रहरीले पेस्तोलसहित एक व्यक्तिलाई पक्राउ गरेको छ । बुटवल ९ नयाँ बसपार्कस्थित नमोबुद्ध होटलमा शंकास्पद रुपमा बसेका बुटवल ८ सुख्खानगर निवासी ३३ वर्षका सन्तोष सलामीलाई प्रहरीले शुक्रबार पक्राउ गरेको हो । अवैध रुपमा पेस्तोल बोकेका ती व्यक्तिको स्थायी घर बाग्लुङको दगातुडाडा भएको जिल्ला प्रहरी कार्यालय रुपन्देहीका प्रवक्ता डीएसपी श्याम अर्यालले बताए । घटनाको थप अनुसन्धान भइरहेको प्रहरीले बताएको छ ।