इस्लामावाद–पाकिस्तान विभिन्न भागमा भएको वर्षापछिको बाढीमा परी कम्तीमा ३७ जनाको मृत्यु भएको छ भने अन्य ९२ जना घाइते भएका छन् ।
राष्ट्रिय प्रकोप व्यवस्थापन प्राधिकरण (एनडीएमए)का अनुसार बाढीसम्बन्धी छुट्टाछुट्टै घटनामा ज्यान गुमाउनेमध्ये १६ बालबालिका र सात महिला रहेका छन् ।
यो वर्षको वर्खेझरीका कारण देशका विभिन्न स्थानमा बाढी आउँदा एक हजार पाँच सय ४५ जनाको मृत्यु भएको छ । बाढीजन्य भवितव्यमा परी १२ हजार आठ सय ५० जना घाइते भएका छन् ।
देशभर भएको वर्षा र त्यसपछिको बाढीले १९ लाख २० हजार घर क्षति भएका छन् । नौ लाख ३५ हजार सात सय ९५ चौपाया मरेका छन् । बाढी प्रभावित क्षेत्रमा प्राधिकरण, अन्य सरकारी संस्था, स्वयंसेवी र गैरसरकारी संस्थाले उद्धार तथा राहत सामग्री वितरणलाई निरन्तरता दिइरहेका छन् ।
प्रकाशित मिति: बिहीबार, मंसिर ८, २०७९ ०३:२१
प्रतिक्रिया दिनुहोस्
