काठमाडौं–भारतको पूर्वी राज्य विहारमा वर्षाका बीच चट्याङ पर्दा कम्तीमा २१ जनाको मृत्यु भएको छ । राज्यको विपद् व्यवस्थापन प्राधिकरणले घटनाको पुष्टि गरेका छन् । कृषिकर्ममा व्यस्त भएका बेला उनीहरूको चट्याङ लागेर मृत्यु भएको हो ।
विहारका १० जिल्लामा चट्याङ लागेर सर्वसाधारणको मृत्यु भएको बताउँदै प्राधिकरणले पूर्णिया र अररियामा चार–चार जना, सुपौलमा तीन, बाङ्का, जमुई र नवादामा दुई–दुई तथा बेगुसराय, शेखपुरा, शारण र सहरसामा एक–एक जनाले ज्यान गुमाएका छन् ।
यसैबीच, विहारका मुख्यमन्त्री नीतिशकुमारले चट्याङ लागेर ज्यान गुमाएका प्रत्येकका परिवारका सदस्यलाई भारू चार लाख क्षतिपूर्ति प्रदान गर्ने घोषणा गरेका छन् ।
प्रकाशित मिति: बिहीबार, मंसिर ८, २०७९ ०१:२८
प्रतिक्रिया दिनुहोस्
