बिर्तामोड–पूर्व–पश्चिम राजमार्गस्थित शिवसताक्षी नगरपालिका १० स्थित सैनिक चौकमा मंगलवार बेलुका ४ : १० बजे कार अनियन्त्रित भई दुर्घटना हुँदा २ जनाको मृत्यु भएको छ ।
पूर्वबाट पश्चिमतर्फ जाँदैगरेको बा १४ च ९१०८ नम्बरको कार वरको रुखमा ठोकिएर दुर्घटना हुँदा चालक सप्तरी लेगडा –७ बस्ने बर्ष ४४ को बलराम यादव र सुनसरी इटहरी उपमहानगरपालिका १० बस्ने ३० वर्षिया गिता चौधरीको उपचारका क्रममा वीएण्डसी अस्पताल बिर्तामोडमा मृत्यु भएको जिल्ला ट्राफिक प्रहरी कार्यालय झापाका प्रहरी प्रमुख ट्राफिक प्रहरी निरीक्षक अशोककुमार जबेगुले जानकारी दिए ।
दुर्घटनामा परी सोही कारमा सवार अन्य ४ जना घाईते भएका छन् ।
कारमा सुन्दर हरैचा ६ बस्ने बर्ष ४० की रीता चौधरी, इटहरी ८ बस्ने बर्ष २७ का तेजन चौधरी, धरान १५ का ३६ बर्षिय दिवशन दास र सोही स्थान बस्ने बर्ष ३३ को राजेश चौधरी घाइते भएका छन् । उनीहरुको उपचार वीएण्डसी अस्पताल बिर्तामोडमा उपचार भइरहेको छ । दुर्घटनामा परी गाडीमा ठूलो क्षती पुगेको छ ।
प्रकाशित मिति: शुक्रबार, मंसिर ९, २०७९ ०४:१५
प्रतिक्रिया दिनुहोस्
