काठमाडौँ – अन्ततः नेपाली चलचित्र ‘प्रेम गीत ३’ नेपाली र हिन्दी दुबै भाषामा रिलिज हुने भएको छ । विभिन्न विवादका बाबजुद‘प्रेम गीत ३’ ले नेपाली र नेपाल बाहिरका विभिन्न पर्दामा चल्ने भएकाे छ । असाेज ७ गतेदेखि नेपाल, भारत र तेस्राे मुलुकमा समेत एकैसाथ चल्ने भएकाे हाे।
नेपालमा पाएका सबै स्कृनहरुको टिकट हाउसफूल हुने गरी काटिएको छ । भने भने नेपालमा हिन्दी हेर्नका लागि पनि टिकट वितरण भइरहेको छ । सञ्चारकर्मी दिनेश डिसी पहिलो दिनको पहिलो शो नेपाली संस्करणको हेर्ने र पहिलो दिनको अन्तिम शो हिन्दी संस्करणको हेर्ने भन्दै टिकटको तस्वीर सामाजिक सञ्जालमा राखिरहेका छन् ।
'प्रेम गीत ३' जसरी नेपाली र हिन्दी गरी दुई भाषामा एकै दिन दिन प्रदर्शनमा आउने गरी तयारी अवस्थामा छ त्यसैगरी नेपाली सिने क्षेत्रलाई पनि दुई भागमा विभाजित बनायाे । एकातिर ‘प्रेम गीत ३’ को सपोर्टमा बोल्नेहरू छन् भने चलचित्र विकास बोर्ड सहित धेरै कलाकारले विराेधमा बाेले ।
नेपाली चलचित्र क्षेत्रका अग्रज कलाकारहरू ‘प्रेम गीत ३’ को विषयलाई लिएर बिवादमा आए । कतिले पक्षमा बोले त कतिले विपक्षमा । नेपाली भाषाको चलचित्र हिन्दी भाषामा पनि उल्था हुनु आफैमा राम्रो कुरा हो । हिन्दी फिल्ममात्र हेर्न बानी परेका दर्शकका लागि हिन्दी भाषामा उल्था गरेर प्रदर्शनमा ल्याइएकाे हाे । यसरी नेपाली चलचित्र पनि हिन्दी भाषामा उल्था भएपछि धेरै दर्शक हौसिएका छन् ।
कहाँ कहाँ हुँदैछ प्रदर्शन
‘प्रेम गीत ३’ विश्वभरका १२ सय पर्दाबाट एकसाथ रिलिज हुन तयारी अवस्थामा छ । नेपालमा भने यसले डेढ सय पर्दा पाएको छ । भारतमा मात्र ५ सय पर्दाबाट ‘प्रेम गीत ३’ को हिन्दी संस्करण रिलिज हुने छ ।
भारतपछि तेस्रो मुलुकहरू क्यानडा, अमेरिका, यूएई, बेलायत, मलेसिया, सिंगापुर, अष्ट्रेलिया, दक्षिण अफ्रिका, जापान, न्युजिल्यान्ड, फिजी, दक्षिण कोरिया लगायतका मुलुकमा पनि फिल्म एकसाथ रिलिज हुनेछ ।
११ करोड भारु निर्माण लागत रहेको ‘प्रेम गीत ३’ ले रिलिज भएकै दिन साढे ५ करोड बढीको व्यापार गर्ने प्रक्षपण गरिएको छ । भारत र नेपालमा एड्भान्स बुकिङ राम्रो रहेको निर्देशन सन्तोष सेनले जानकारी दिए ।
विवादमा बोर्डको निर्णय
‘प्रेम गीत ३’ का कारण चलचित्र विकास बोर्डको निर्णय पनि विवादमा परेको छ । चलचित्रको हिन्दी संस्करणलाई विदेशी फिल्मको मान्यता दिँदै सेन्सर सिफारिस गर्ने बोर्डको निर्णय थप विवादित बनेको हो ।
यो निर्णयबारे छलफल गर्न सञ्चार तथा सूचना प्रविधि मन्त्रालयले चलचित्र विकास बोर्डका अध्यक्ष भुवन केसीलाई मन्त्रालयमा बोलाइएको थियो । नेपाली फिल्मलाई विदेशी फिल्म भन्दै सेन्सर सिफारिस गरिएकोबारे छलफलका लागि अध्यक्ष केसीलाई मन्त्रालयमा बोलाइएको हो ।
बोर्डको निर्णयलाई चुनौती दिँदै ‘प्रेम गीत ३’ का वितरकले बिहीबार मन्त्रालयमा निवेदन दिएपछि यो विवादमा मन्त्रालयले हात हालेको हो । वितरकको निवेदनको आधारमा स्पष्ट हुन अध्यक्ष केसीलाई मन्त्रालयमा बोलाइएको मन्त्रालय स्रोतको भनाइ छ ।
विदेशी फिल्मले तिर्दै आएको १५ प्रतिशत विकास शुल्क तिरेर ‘प्रेम गीत ३’ को हिन्दी संस्करण प्रदर्शन हुने गरी हिन्दी संस्करणले विदेशी फिल्मको मान्यता पाएको थियो । वितरकले हिन्दी संस्करणलाई ३० हजार भन्सार शुल्क तिरेर ल्याएको बताइरहेका छन् ।
प्रकाशित मिति: बुधबार, मंसिर ७, २०७९ १४:२७
प्रतिक्रिया दिनुहोस्
