काठमाडौं–फिल्म ‘२ नम्बरी’मा अभिनय गरेकी भुटानी अभिनेत्री उगेन छोदेन नेपाल आएकी छन् । फिल्म ‘२ नम्बरी’ प्रमोसनका लागि उगेन आज नेपाल आएकी निर्माता किरण नेपालीले बताए । उनी केही दिन अगाडि फिल्मको छायांकन सकाएर भुटान फर्किएकी थिइन् । दीपेन्द्र लामाको लेखन तथा निर्देशन रहेको ‘२ नम्बरी’ को ट्रेलर केही दिनमा सार्वजनिक गर्ने तयारी निर्माण पक्षको छ । कलाकार नहुँदा निर्माण पक्षले ट्रेलर सार्वजनिक गर्न सकेको थिएन । फिल्मलाई लिएर प्रस्तुतकर्ता किरण नेपाली उत्साहित छन् । फिल्ममा उगेनको जोडीको रुपमा नायक दयाहाङ राई छन् । फिल्ममा उगेन, दयाहाङको अलवा उपासना सिंह, सौगात मल्ल लगायतको अभिनय छ । फिल्म २ साथीको मित्रताको कथामा बनेको हो ।