काठमाडौँ – गायक पशुपति शर्मा र गायिका सम्झना भण्डारीको स्वरमा रहेको टिका टालो सार्वजनिक भएको छ ।
पशुपति शर्माको शब्द र सङ्गीतमा रहेको गीतको संगीत संयोजन विश्वास नेपालले गरेका छन् । पशुपति शर्माले आफ्नै युट्युब च्यानलमार्फत सार्वजनिक गरेको गीतमा पशुपति शर्मा र सम्झना भण्डारीले अभिनय गरेका छन् ।
लोकगीतमा बेग्लै पहिचान बनाएका शर्माले आफूले मन पराएको केटीसँग टिकाटालो गरिदिन आमा सँग आग्रह गरेका छन् । केटीको तर्फबाट पनि त्यस्तै आग्रह हुन्छ भने दुवैले एक अर्काको खुबै प्रशंसा गरेको पाइन्छ ।
उनीहरूलाई सहयोग गर्नेमा करिष्मा ढकाल, लक्ष्मी गिरी, सविता गुरुङ, शेखर घर्ती रहेका छन् । भिडियोमा दुर्गा पौडेलको निर्देशन रहेको छ भने मारुनीमा सुमन राना र खुमनले गीतको रेकर्डिङ गरेका छन् ।
प्रकाशित मिति: बुधबार, मंसिर ७, २०७९ १७:४५
प्रतिक्रिया दिनुहोस्
