कपिलवस्तु– शिवराज नगरपालिका–१ मा आज शनिबार बिहान पिकअप बलेरो जिप र मोटरसाइकल एक आपसमा ठोक्किँदा एक जनाको मृत्यु भएको छ ।
मृत्यु हुनेमा मोटरसाइकल चालक अन्दाजी ४५ वर्षीय चन्द्रमणी ज्ञवाली रहेको वडा प्रहरी कार्यालय चन्द्रौटाले जनाएको छ ।
पश्चिमबाट पूर्व तर्फ गइरहेको बा। प्र। ०१–०२५ च ९२४४ नम्बरको जिप र विपरित दिशाबाट आइरहेको लु ५७ प ५८०३ नम्बरको मोटरसाइकल ठोक्किँदा गम्भिर घाइते भएका ज्ञवालीको उपचारका क्रममा लुम्बिनी प्रादेशिक अस्पताल बुटवलमा मृत्यु भएको वडा प्रहरी कार्यालय प्रमुख कपिल शाहीले जानकारी दिए।
जिप र जिप चालकलाई प्रहरीले नियन्त्रणमा लिएर थप अनुसन्धान गरिरहेको छ ।
प्रकाशित मिति: शुक्रबार, मंसिर ९, २०७९ ०२:४५
प्रतिक्रिया दिनुहोस्
