सफल हुन तथा प्रमोसन पाउनको लागि तपाईंले सबैको अगाडि असल छवि बनाउनुपर्छ — समझदार, परिपक्व, शान्त, भरोसा गर्न योग्य, अनुभवी । तर कहिलेकाहीँ तपाईंको सारा मिहिनेत लापरबाही भरिएको एक शब्द या एक पलको कारणले बेकार हुन सक्छ । तपाईं यी मामिलामा आफूलाई नियन्त्रित राख्नुपर्दछ : – गलत मौका गलत टिप्पणी । – समुदायको कुनै खास हिस्सालाई आहत गर्ने चुट्किला, या टिप्पणी । – कुनै पनि रुपमा लिङ्गभेद । – मानिसलाई तुच्छ सम्झेर व्यवहार गर्नु । – घमण्ड । – आवेश । – चोट पु¥याउने खालको गाली । – हल्ला, सिकायत, आलोचना । समझदारीको नीति के हो भने लगातार बकबक गर्नुको सट्टा थोरै बोल्न नै उपयुक्त हुन्छ । अर्को कुरा, यदि तपाईं बोल्नुभन्दा पहिले सावधानीपूर्वक सोच्नुहुन्छ, तौलनु हुन्छ, आफूलाई नियन्त्रण गर्नुहुन्छ भने सम्भवतः तपाईंको कुरा सटीक हुन्छ, तपाईंको भाषा राम्रो हुन्छ तथा तपाईंले समझदारीले भरिएको कुरा नै बोल्नुहुन्छ । यसप्रकार तपाईंको छवि समझदार तथा परिपक्व व्यक्तिको बन्छ । मानिस तपाईं कहाँ सल्लाह र मार्गदर्शन लिन आउँछन् । किनकि तपाईं संयमपूर्वक बोल्नुहुन्छ बकवास गर्नुहुन्न । तिनले तपाईंलाई भरोसा गर्न थाल्छन् । तपाईं स्वाभाविक रूपले प्रमोसन तथा सफलताको दाबेदार बन्नुहुन्छ । तपाईंले जे भन्नुहुन्छ त्यो प्रभावकारी होस् । तपाईं टिभीमा हिजो राति के हेर्नुभएको थियो आदि कुरा नगर्नुहोस् । यसमा कसैलाई पनि रुचि लाग्दैन । तपाईँसित भन्नको लागि कुनै महत्वपूर्ण कुरा नभएसम्म चुप रहनुहोस् ।     साभारः ‘तपाईंको जीत’ पुस्तकबाट