काठमाडौँ । घटस्थापनाका दिन शक्तिको स्वरूप देवीको मूर्ति घरघरमा स्थापना गरिएको छ । यस्तै, ठुला मूर्तिहरू सामूहिक रूपमा विभिन्न सार्वजनिक ठाउँमा स्थापना गरिएको छ । ललितपुरको बागमती किरानामा पनि देवीको सामूहिक मूर्ति स्थापना गरिएको छ।   ललितपुर महानगरपालिका वडा नं. १ स्थिति गुसिङ्गाल कुपोण्डोलका विकाउ पण्डितले सय बढी देवीका मूर्ति बेचेका छन् । मूर्ति बनाएरै जीवन धान्ने गरेका उनले पराल र माटोबाट बनेको ठुला ठुला मूर्तिहरू बेच्ने गरेका छन् ।   नवदुर्गाका सबै रूपका मूर्ति बनाए पनि अलि बढी दुर्गाकै मूर्तिहरू विक्री हुने गरेको उनको भनाइ छ । मैसासुरलाई वथ गर्दै गरेको दुर्गाको तस्बिर अरू भन्दा बढी विक्री भएको उनको भनाइ छ ।