पोखरा–पोखरा १० किलोमिटर खुल्ला दौडको उपाधि नेपाली सेना (बैतडी)का मोहनदेव जोशीले जितेका छन् । पोखरा महानगर खेलकुद विकास समितिद्वारा आयोजित दौडमा जोशीले ३५ मिनेट ३१.४ सेकेण्डमा पुरा गर्दै प्रथम भएका हुन् । उनले नगद २५ हजार राशीको पुरस्कार थापे ।
त्यसैगरी गोरखाका निराजन भट्टराई दोस्रो भए भने गोरखाकै नवराज गुरुङ तृतीय भए । चौथो स्थानमा गोरखाकै श्याम मग्राती रहे ।
यसैगरी महिला १० किलोमिटरको उपाधि नेपाली सेनाकी श्यामकली जैसीले जितिन् । उनले ४६ मिनेट ५८.२ सेकेण्डमा पुरा गर्दै नगद २५ हजार राशीको पुरस्कार थापिन् । त्यस्तै तनहुँकी नम्रता गुरुङले दोस्रो पुरस्कार जितिन् । नवलपुरकी डोलमाया महतोले तेस्रो भईन् । उनी नवौं राष्ट्रिय खेलकुद प्रतियोगितामा गण्डकी प्रदेशबाट बन्द प्रशिक्षणमा छन् । चौथो स्थानमा पर्वतकी संगिता विक आईन् । पाँचौ स्थानमा स्याङजाकी चन्द्रकला बराल रहिन् । १० किलोमिटर दौड विजेताहरुले नगद २५, १५, १०, ५ र ३ हजार रुपैयाँ प्राप्त गरे ।
प्रकाशित मिति: बिहीबार, मंसिर ८, २०७९ ०१:२५
प्रतिक्रिया दिनुहोस्
