जनकपुरधाम– धनुषामा ब्राउन सुगरसहित दुईजना पक्राउ परेका छन् । विदेह नगरपालिका १ महिनाथपुरबाट एक युवक र एक युवती पक्राउ परेका हुन् । १६.८५ ग्राम ब्राउन सुगरसहित सिरहाको कर्जनहा नगरपालिका २ बन्दिपुर छगरियाका २३ वर्षीय महादेव मण्डल र १९ वर्षीया अस्मिता खत्री पक्राउ परेका छन् । उनीहरू स ६ प ८०८६ नम्बर प्लेटको मोटरसाइकलमा सवार भई भारतबाट नेपालतर्फ आइरहेका थिए । मण्डलले लगाएको मोटरसाइकलको हेलमेटको भित्रि भागमा कालो प्लास्टिक भित्र लुकाएर ब्राउन सुगर राखेका थिए । प्रहरीले उनीहरूको साथबाट दुई थान मोबाइल, मोटरसाइकल र ब्राउन सुगर बरामद गरेको थियो ।