काठमाडौं–‘तेस्रो राष्ट्रिय नवदुर्गा सम्मान २०७९’ बाट ९ अभिनेत्री सम्मानित भएका छन् । काठमाडौंस्थित चलचित्र विकास बोर्डको हलमा रेजिना इन्टरटेनमेन्ट र शहीद फिल्म्सको संयुक्त आयोजनामा सम्पन्न कार्यक्रममा ९ अभिनेत्रीलाई उपराष्ट्रपति नन्दबहादुर पुनले सम्मान गरेका हुन् ।
चलचित्र क्षेत्रमा योगदान पुर्याएबापत अभिनेत्रीहरू भारती घिमिरे, झरना थापा, श्वेता खड्का, ऋचा शर्मा, मेनुका प्रधान, प्रियङ्का कार्की, पूजा शर्मा, शिल्पा पोखरेल र सुहाना थापालाई सम्मान प्रदान गरिएको हो ।
सो अवसरमा उपराष्ट्रपति पुनले सम्मानित सम्पूर्णलाई बधाई दिँदै ‘राष्ट्रिय नवदुर्गा सम्मान’ लाई निरन्तरता दिन आग्रह गरे ।
आयोजक रेजिना इन्टरटेन्मेन्टकी अध्यक्ष अभिनेत्री रेजिना उप्रेतीले नेपाली फिल्मलाई प्रतिनिधित्व गर्ने नारीहरूलाई सम्मान गर्न पाउँदा खुसी व्यक्त गरे ।
प्रकाशित मिति: बुधबार, मंसिर ७, २०७९ २३:५०
प्रतिक्रिया दिनुहोस्
