काठमाडौं–एएफसी यू–१७ एसियन कप छनोट अन्तर्गतको दोस्रो खेलमा नेपालले आज घरेलु टोली भियतनामको सामना गर्दैछ ।
नेपाल र भियतनामबीचको खेल साँझ ५ः४५ बजे फु थोस्थित भियत त्रि स्टेडियममा सुरु हुनेछ । उच्च लयमा रहेको भियतनामविरुद्ध नेपाल पहिलो जितको खोजीमा हुनेछ ।
बुधबार भएको पहिलो खेलमा नेपाल थाइल्याण्डसँग ३–० गोल अन्तरले पराजित भएको थियो । भियतनाम भने लगातार दोस्रो जितको योजनामा हुनेछ । पहिलो खेलमा आयोजक भियतनामले चाइनिज ताइपेलाई ४–० ले हराएको थियो ।
छनोट अन्तर्गत नेपालले आइतबार चाइनिज ताइपेसँग खेल्नेछ । छनोटको समूह विजेता एसियन कपमा छनोट हुनेछन् । यस्तै उपविजेता हुने उत्कृष्ट ६ टोलीले समेत एसियन कप खेल्नेछ ।
प्रकाशित मिति: बिहीबार, मंसिर ८, २०७९ ०५:५८
प्रतिक्रिया दिनुहोस्
